Fwd: హయగ్రీవ అవతారం

హయగ్రీవ అవతారం మధుకైటభులు అనే రాక్షసులు బ్రహ్మ వద్ద నుండి నాలుగు వేదాలని అపహరించగా, అందుకు బ్రహ్మ చాల విచారించి, విష్ణు మూర్తి కోసం పలు విధాలుగా స్తుతించడం జరిగింది. విష్ణు మూర్తి బ్రహ్మ దేవుని మొరని విని, ప్రత్యక్షమవుతారు. ఆ రూపం ఎలా ఉంది అంటే, ఆ శరీరం చంద్రుడిలా ప్రకాశించసాగింది. ఆ శరీరమే 'హయగ్రీవ అవతారం' అయింది. *నక్షత్రాలతో నిండిన ఆకాశం ఆయన శిరస్సుగా మారింది. *సూర్యకిరణ కాంతితో ఆయన కేశాలు మెరవసాగాయి. *ఆకాశం పాతాళం రెండు చెవులుగా, *భూమి లలాటభాగంగా, *గంగా సరస్వతులు పిరుదులుగా,  *సముద్రాలు కనుబొమ్మలుగా, *సూర్యచంద్రులు కన్నులుగా, *సంధ్య నాసికగా, *ఓంకారమే ఆయనకు అలంకారంగా, *విద్యుత్తు నాలుకగా, *పితృదేవతలు దంతాలుగా, *గోలోకం బ్రహ్మలోకం రెండు పెదవులుగా, *తమోమయమైన కాళరాత్రి ఆయనకు మెడభాగంగా అలరారాయి.