బోగి పండుగ ఎప్పుడు?

బోగి పండుగ ఎప్పుడు?

ప్రతీ సంవత్సరం సిద్ధాంత కర్తలు మకర సంక్రమణ పుణ్యకాలానికి ముందురోజు భోగి పండుగను నిర్ణయిస్తారు. ఈ ఏడాది మకర సంక్రమణం జనవరి 14 మంగళవారం సాయంత్రం 6.14 గంటలకు జరుగుతుంది.. అంటే.. సూర్యాస్తమయం తర్వాత మకర సంక్రమణం జరిగింది. ప్రతి 27 ఏళ్లకోకసారి ఈ విధంగా జరుగుతుందని శాస్త్రాలు చెప్తున్నాయి. ఈ విధంగా జరిగితే ఏం చేయాలనే అంశంపై పంచాంగ సరళి, ధర్మసింధు, వ్రతనిర్ణయ కల్పవల్లి తదితర గ్రంధాలు కచ్చితమైన నిర్ణయం తెలిపాయి. సూర్యాస్తమయం తర్వాత మూడు ఘడియలు అంటే 72 నిమిషాలు వరకు సాయం సంధ్య అంటారు. ఈ సంధ్యలో సంక్రమణం అయితే ఆ రోజే పుణ్యకాలం. ఆరోజు ఉదయం నుంచి సాయంత్రం వరకు పుణ్యకాలం నడుస్తుంది. అయితే పంచాంగ కర్తల్లో కొందరు పూర్వ గణితాన్ని, మరికొందరు ధృక్ గణితాన్ని ఉపయోగించడం వల్ల..భోగి నిర్ణయంపై భిన్న వాదనలు వినిపిస్తున్నాయి. కొన్ని పంచాంగాల్లో ఈనెల 14న భోగి పండుగను జరుపుకోవాలని రాస్తే.. 13నే భోగి పండుగను మరికొన్ని పంచాగాలు రాశాయి.

సిద్ధాంత కర్తలు మాత్రం ఈనెల 14వ తేదీ సాయం సంధ్యలోనే మకర సంక్రమణం అయినందున అదే రోజున సంక్రాంతి జరుపుకోవాలి. ముందురోజు 13న భోగి పండుగ జరుపుకోవడం శాస్త్ర సమ్మతమంటున్నారు.. ప్రస్తుతం 2050 వరకు పూర్వ, ధృక్ గణితాలు రెండింటిలోనూ శతాబ్ధి పంచాంగాలు అందుబాటులో ఉన్నాయి. ఇరువర్గాలు కలిసి తేడాలు వచ్చిన పండుగలను కలిపి.. పండుగ తేదీల జాబితాను తయారు చేస్తే ప్రజల్లో అయోమయం తొలగించినట్లవుతోంది.