వసంత పంచమి... సరస్వతీ దేవి

వసంత పంచమి... సరస్వతీ దేవి "
"నేడు విద్యాభ్యాసం మొదలెడితే జ్ఞానులవుతారు "
________________________________
సరస్వతీ దేవిని ఆరాధించే దినమే వసంత పంచమి.
సరస్వతీదేవి నాలుగు చేతులతో అలరారుతుంటుంది.
కుడి చేతిలో పుస్తకం, ఎడమ చేతిలో స్ఫటికమాలనీ,
మిగతా రెండు చేతుల్తో వీణను వాయిస్తుంటుంది.

సరస్వతీ దేవి ధవళకాంతులతో మెరిసిపోతుంటుంది.

--అందమైన పద్మం సరస్వతికి సింహాసనం.
మధురమైన పలుకులు పలికే చిలుక ఆమెకు చెలికత్తె.

వాక్కులకు సంకేతములైన వేదములు:-
-- రుగ్వేదం.........మంత్రాలు (పద్యం, పాట, కవితలకు మూలం),
-- యజుర్వేదం.... వచనం (వచనం, గద్యం, భావ కవిత్వం, వ్యాసం),
-- సామవేదం..... సంగీతం ||

సరస్వతీ దేవి నాలుగు చేతులు ఈ విధంగా దర్శనమిస్తాయి:-
--- ఒక చేతిలో పుస్తకం............ వచనాన్ని
--- ఇంకో చేతిలో స్ఫటికమాల.... మంత్రాన్ని,
--- రెండు చేతులలో వీణ ......... సంగీతాన్ని||

-- బ్రహ్మదేవుని ముఖాలు నాలుగు వేదాలకు ప్రతీకలు.
కాబట్టి బ్రహ్మ ముఖంలో సరస్వతి ఉంటుందని శాస్త్రోక్తి.

--సరస్వతి అంటే జ్ఞానాన్ని కల్గించే కిరణమనే అర్థం కూడా ఉంది.
సరస్వతిని వేదమాతగా, భారతిగా, వాగీశ్వరిగా, శారదగా అభివర్ణించారు