శ్రీ రాజరాజేశ్వర స్వామి దేవస్థానం - ( వేములవాడ)

శ్రీ రాజరాజేశ్వర స్వామి దేవస్థానం - ( వేములవాడ)
కరీంనగర్‌కు 32 కిమీ ల దూరంలో కరీంనగర్‌-కామారెడ్డి దారిలో ఉంటుంది.
కాశీ, చిదంబరం, శ్రీశైలం, కేదారేశ్వరం లను పావనం చేసిన తరువాత శివుడు వేములవాడ వేంచేసాడని పురాణ కథనం.
ఇక్కడ కొలువై ఉన్న స్వామిని శ్రీ రాజ రాజేశ్వర స్వామి అని, రాజన్న అనీ అంటారు. మూలవిరాట్టుకు కుడి పక్కన శ్రీ రాజ రాజేశ్వరీ దేవి, ఎడమ పక్కన శ్రీ లక్ష్మీ సహిత సిద్ధి వినాయక విగ్రహాలు ఉంటాయి. ధర్మగుండం కోనేటిపై మూడు మండపాలు నిర్మించబడ్డాయి. మధ్య దానిపై ఈశ్వరుని విగ్రహం ప్రతిష్ఠించబడింది. ధ్యాన ముద్రలో ఉన్న శివుని విగ్రహం చుట్టూ ఐదు శివలింగాలు ఉంటాయి.
శైవులు, వైష్ణవులు, జైనులు, బౌద్ధులు అందరూ ఈ దేవాలయాన్ని దర్శిస్తారు. దేవాలయంపై ఉన్న శిల్పాలు కూడా జైన, బౌద్ధ సంస్కృతులను ప్రతిబింబిస్తూ ఉంటాయి.
ఈ దేవాలయానికి గల మరో విశేషమేమిటంటే దీని ప్రాంగణంలో 400 ఏళ్ళ నాటి మసీదు ఉన్నది. ముస్లిము మతానికి చెందిన ఒక శివభక్తుడు ఈ గుడిలో ఉంటూ, స్వామిని సేవిస్తూ ఇక్కడే మరణించాడు; అతని స్మృత్యర్ధం ఈ మసీదు నిర్మించారని ప్రతీతి. హిందువులు శివుణ్ణీ, ముస్లిములు అల్లా ను పూజించే ఈ దేవాలయ ప్రాంగణం మతసామరస్యానికి చిహ్నంగా భాసిల్లుచున్నది.