స్వామీ వివేకానంద సందేశాలు.......

స్వామీ వివేకానంద సందేశాలు.......

1. నాయకత్వాన్ని వహించేటప్పుడు సేవకుడిగా ఉండండి. నిస్వార్థంగా ఉండండి. అనంత సహనం కలిగి ఉండండి. అప్పుడు విజయం మీదే.

2. విశ్వాసం, సౌశీల్యం గల ఆరుగురు(కొద్దిమంది) వ్యక్తుల చరిత్రే ప్రపంచ చరిత్ర. మనకు కావలసినవి మూడు --- ప్రేమించే హృదయం భావించే మనస్సు, పనిచేసే చెయ్యి.

3. మిమ్మల్ని ఒక శక్తి జనక యంత్రంగా తయారుచేసుకోండి. మీరు పవిత్రులు, శక్తిమంతులు అయితే మీరొక్కరే ప్రపంచం మొత్తానికి సరితూగగలరు.

4. ప్రేమ, మంచితనం, పవిత్రత మనలో ఎంత అభివృద్ధి చెందితే......బయట ప్రపంచంలో అంట ప్రేమ, మంచితనం, పవిత్రత మనకు కనబడతాయి. పరదూషణ నిజానికి ఆత్మదూషణే. మిమ్మల్ని మీరు సరిదిద్దుకుంటే (ఇది మీరు చేయగలిగిన పనియే) ప్రపంచం తనంతట తానే మీకై సరికాగలదు.

5. అఖండమైన ఉత్సాహం, అపరిమితమైన ధైర్యం, అప్రతిహతమైన శక్తి.......అన్నిటినీ మించి పరిపూర్ణ విధేయత------ఈ లక్షణాలే ఒక వ్యక్తినిగానీ, ఒక దేశాన్నిగానీ పునరుజ్జీవింప చేయగలవు.