మా మంచి కోరికలు ఇంద్రుడు తీర్చుగాక అని ప్రార్థిస్తున్నాను.

స్తోతుర్మఘవన్ కామమా పృణు (ఋగ్వేదము 1-57-5)

మా మంచి కోరికలు ఇంద్రుడు తీర్చుగాక అని ప్రార్థిస్తున్నాను.

వేదంలో ఇంద్రశబ్దం పరమాత్మ వాచకమే. అంటే పరమాత్మను మనం ప్రార్థిస్తున్నాము. ఏ మాయవల్లనో మేము చెడ్డగా ప్రవర్తించే భావాలకు లోనైన పక్షంలో, అటువంటి కోరికలు నెరవేరకూడదని సంకల్పించాలన్నమాట. అందుకే ఈ విషయంలో కూడా ప్రార్థనలున్నాయి. విశ్వాని దేవ సలితర్దురితాని ప్రసువ ... అన్న మంత్రం ఈ విషయమే చెబుతున్నది. మేము పాపాలు చేయకుండా, పాపపు ఆలోచనలు మాలోకి రాకుండా మమ్మల్ని తీర్చుదిద్దు ప్రభూ! అని వేడుకోవాలి. ఒక్కటికి పదిసార్లు ఈ సంకల్పం చేసుకోవడం ద్వారా అది బలపడి, మనిషి సన్మార్గములో నడవగలుగుతాడు.