గోదాదేవి భక్తి

గోదాదేవి భక్తి

విల్లిపుత్తూరులోని విష్ణుచిత్తుని ముద్దుల తనయ గోదాదేవి. తాన్నున్న ఊరినే రేపల్లెగా భావించేది. తన చెలులనే గోపీజనులుగా అనుకొనేది. అలా అనుకునే కోవై - గోదాదేవి శ్రీవ్రతాన్ని ఆచరించా లనుకొంది. మాసాల్లో మార్గశిరం తానని చెప్పిన శ్రీకృష్ణుని తలుచుకుని వెంటనే ధనుర్మాసంలో తన చెలులకు హితబోధచేస్తూ రోజుకొక్క పాశురాన్ని పాడుతూ సిరినోమునోచింది. నోము సమాప్తి చేస్తూ ఆ రంగరంగనితో అంగరంగ వైభోగంతో వివాహం చేసుకొంది. ఆ రంగనిలోనే ఐక్యమైంది. ఆ నాడు పాడిన ఆ తల్లి పాడిన పాశురాలనే నేడు ప్రతివైష్ణవా లయాల్లోనూ అనుసంధానిస్తూ గోదా వ్రతం చేస్తున్నారు భక్తజనసందోహమంతా. ఆ భక్తజనులు ఆలపించే కీర్తనలు నాడు మాలదాసరి ఆలపించిన కైకశిరాగాలాపనను అనుభవంలోకి తెప్పిస్తాయ. ఈ నాడు కూడా తన భక్తులను అలరించేందకు, వారి కోరికలను తీర్చేందుకు వైకుంఠం నుంచి లక్ష్మీ వల్లభుడైన రంగడు సతీ సమేతుడై వచ్చినిల్చున్న అనుభూతిని పొందుతున్నారు రంగని భక్తులు.