భక్త మార్కండేయ దేవాలయం, కొత్తవాడ-పద్మనగర్, వరంగల్.

భక్త మార్కండేయ దేవాలయం, కొత్తవాడ-పద్మనగర్, వరంగల్.

వరంగల్ పట్టణంలోని కొత్తవాడ-పద్మనగర్ లో 2006లో ఈ దేవాలయం నిర్మాణం జరిగింది. సరస్వతీ పీఠాధిపతులు పరమహంస రామానందస్వామి చేతులమీదుగా విగ్రహ ప్రతిష్ఠాపన జరిగింది. నాటి నుండి ప్రతిరోజూ అనేక పూజాకార్యక్రమాలు, హోమాలు, అభిషేకాలు జరపబడుతున్నాయి.

ఆలయంలో భక్త మార్కండేయ విగ్రహానికి కుడివైపు మహాగణపతి విగ్రహం, ఎడమ వైపు గాయత్రిమాత విగ్రహం ఉన్నాయి. ఆలయ ప్రాంగణంలో ఆంజనేయస్వామి విగ్రహం ఏర్పాటు చేశారు. ప్రతి మంగళ, శని వారాలలో స్వామివారికి ప్రత్యేక పూజలు నిర్వహిస్తున్నారు. ఆలయ ఆవరణలో నవగ్రహాల ప్రతిమలను ఏర్పాటు చేశారు.


ఈ ఆలయంలో ప్రతిరోజూ ఉదయం సుప్రభాతసేవ, మహాగణపతి ఆరాధన, మహాన్యాస పూర్వక రుద్రాభిషేకం నిర్వహిస్తారు. ప్రతినెల మొదటి సోమవారం ప్రత్యేకంగా మహారుద్ర హోమం జరుపుతారు. అలాగే సంవత్సరంలో నాలుగు విశిష్ఠ మహాపూజా కార్యక్రమాలు నిర్వహిస్తారు.