అనుగ్రహించే దైవం శ్రీ అభయాంజనేయస్వామి

ఆనందాన్నీ,అభయాన్నీ జంటగా అందించి అనుగ్రహించే దైవం శ్రీ అభయాంజనేయస్వామి. అంజనా నందనుడు, వాయు నందనుడు, వజ్రబల సమన్నితుడు ఆ పవనసుత హనుమానుడు.
'ఆంజనేయః పూజితా - పూజితాః సర్వ దేవతా' అని వేదోక్తి . అనగా ఒక్క ఆంజనేయుని పూజిస్తేచాలు సర్వ దేవతలనీ ఆరాధించిన ఫలితం లభిస్తుంది. ఈ స్వామిని వేడుకుంటే జన్మ లగ్నాత్ శనిదోషాలు, రాహుకేతు దోషాలు, నవగ్రహ దోషాలు తొలగిపోతాయని భక్తుల నమ్మకం.

శ్రీరామభక్తుడైన హనుమంతుని దేహం వజ్ర కటినం.దుర్బేధ్యము. అందుకే " వజ్రంగభళీ, భజరంగభళీ " అని హనుమంతుని కొలుస్తాము. ఆపదలలో కేవలం ఈ నామం ఉచ్చరించినంతనే సమస్త శుభాలు కలిగి, నూతన ఉత్సాహం మనకు కలుగుతుంది