విగ్రహారాధన

🌺 విగ్రహారాధన 🌺

 

'అర్చా' రూపం అంటే శిలా, దారు, లోహములతో తయారైన విగ్రహరూపంలో ఉన్న పరమాత్మ అని అర్థం. మరి ఇప్పుడొక సందేహం కలుగవచ్చు. జీవం లేని విగ్రహారూపంలో పరమాత్మ ఏ విధంగా ప్రవేశిస్తాడు అని. మరీచి మహర్షి. శ్రీవైఖానస ఆనంద సంహిత-విమానార్చనాకల్పంలో, ఈ సందేహానికి చక్కటి వివరణ ఇచ్చారు. 

"సర్వాధారం సనాతన మప్రమేయ మచింత్యం నిర్గుణం నిష్కలం క్షీరే సర్పిః, తిలే తైలం, పుష్పే గంథం, ఫలే రసం, కాష్ఠే అగ్నిమివ సర్వవ్యాపినం పరమాత్మానాం మనసా సంకల్ప్య ఆవాహయేత్ " (శ్రీవైఖానస మరీచి విమానార్చనాకల్పం-31వ పటలం) 

సర్వాధారుడు, సనాతనుడు, అప్రమేయుడు, అచింత్యుడు, నిర్గుణుడు, నిష్కలుడు అయిన పరమాత్మ - పాలలో నేయివలె, నువ్వులలో నూనెవలె, పుష్పాలలో తేనెవలె, పండ్లలో రసంవలె, కట్టెలలో అగ్నివలె సర్వవ్యాపిగా వుంటాడు. అట్టి భగవంతుని, మనస్సులో భక్తి ప్రపత్తులతో సంకల్పించి, ఆవాహనం చేయాలి. ఏ విధంగా అయితే కట్టెలలో, మంటలను గాలి ద్వార జ్వలింపజేయవచ్చో, అదే విధంగా సర్వవ్యాపి అయిన విష్ణువు, ధ్యాన మధనం, భక్తి ప్రపత్తులవలన, సంకల్పబలంవలన విగ్రహంలో ప్రవేశించి, మన పూజలందుకుని మనలను అనుగ్రహిస్తాడు. చక్కటి రూపంతో, విగ్రహ రూపంలో ఉన్న విష్ణుభగవానుని ఆరాధించాలి