శ్రీ శివ మంగళాష్టకం

*శ్రీ శివ మంగళాష్టకం*

భవాయ చంద్రచూడాయ నిర్గుణాయ గుణాత్మనే ।

కాలకాలాయ రుద్రాయ నీలగ్రీవాయ మంగళం ॥ 1 ॥

వృషారూఢాయ భీమాయ వ్యాఘ్రచర్మాంబరాయ చ ।

పశూనాంపతయే తుభ్యం గౌరీకాంతాయ మంగళం ॥ 2 ॥

భస్మోద్ధూళితదేహాయ నాగయజ్ఞోపవీతినే ।

రుద్రాక్షమాలాభూషాయ వ్యోమకేశాయ మంగళం ॥ 3 ॥

సూర్యచంద్రాగ్నినేత్రాయ నమః కైలాసవాసినే ।

సచ్చిదానందరూపాయ ప్రమథేశాయ మంగళం ॥ 4 ॥

మృత్యుంజయాయ సాంబాయ సృష్టిస్థిత్యంతకారిణే ।

త్రయంబకాయ శాంతాయ త్రిలోకేశాయ మంగళం ॥ 5 ॥

గంగాధరాయ సోమాయ నమో హరిహరాత్మనే ।

ఉగ్రాయ త్రిపురఘ్నాయ వామదేవాయ మంగళం ॥ 6 ॥

సద్యోజాతాయ శర్వాయ భవ్య జ్ఞానప్రదాయినే ।

ఈశానాయ నమస్తుభ్యం పంచవక్రాయ మంగళం ॥ 7 ॥

సదాశివ స్వరూపాయ నమస్తత్పురుషాయ చ ।

అఘోరాయ చ ఘోరాయ మహాదేవాయ మంగళం ॥ 8 ॥

మహాదేవస్య దేవస్య యః పఠేన్మంగళాష్టకమ్ ।

సర్వార్థ సిద్ధి మాప్నోతి స సాయుజ్యం తతః పరమ్ ॥ 9 ॥

ఇతి శ్రీ శివ మంగళాష్టకం |