పూజలు, పునస్కారాలు చేయడానికి మాకు సమయం ఎక్కడుంది?

పూజలు, పునస్కారాలు చేయడానికి మాకు సమయం ఎక్కడుంది? పొద్దున్నే పనికి వెళ్ళి ఏ అర్ధరాత్రో ఇంటికి చేరుకునే మేము పూజలు ఎలా చేయగలం?" అనే వారి సంఖ్య నానాటికీ పెరుగుతోంది. ఇందుకు సమాధానం శ్రీ కృష్ణ పరమాత్మే చెప్పాడు" ప్రతి మనిషీ ఎదో ఒక పని చెయ్యక తప్పదు. ప్రతి కర్మకు దైవం ఒక కారణంగా ఉంటాడు". ఆయన మాట ప్రకారం చేస్తున్న పనులనే భగవంతుని ఆరాధించడంగా భావించి తరించిన భక్తులెందరో ఉన్నారు. కబీర్ వంశవృత్తి నేతనేయడం. నేత పనిలో నిమగ్నమైనప్పుడు కూడా కబీర్ మనసు భగవంతునియందే నిమగ్నమై ఉండేది. గోరా అనే కుమ్మరి ఎప్పుడూ పాండురంగని నామాన్ని జపిస్తూ, కుండలుచేసేవాడు. శివభక్తుడైన నందనార్ కొద్దిమంది బాలుర సాయంతో చెరువును తవ్వడం మొదలుపెట్టాడు. అంతే చూస్తుండగానే వందలాది శివగణాలే కూలీల రూపంలో వచ్చి, ఆ పనిని శీఘ్రతిన ముగించేసారు.
మనం అసలు నిత్యం ఆ పరమాత్మ స్మరించుకుంటు , మనం చేసే ప్రతి పనిని ఆయనకు సమర్పించుకుంటూ, ధార్మికంగా జీవితాన్ని గడపటమే పెద్ద పూజ! అసలు నిత్యం నామస్మరణ చేసుకుంటే..అదే భక్తి మార్గం..ముక్తికి ద్వారం....మోక్షానికి కారణం!
ఓం నమో భగవతే వాసుదేవాయా!