తలచుకుంటే ధన్యులమవుతాం. కలియుగంలో ప్రాయశ్చిత్తం చేసుకోవాలి అనుకునేవారికి...కలియుగంబున నరునకు గంగ దిక్కు" అన్నారు.

తలచుకుంటే ధన్యులమవుతాం. కలియుగంలో ప్రాయశ్చిత్తం చేసుకోవాలి అనుకునేవారికి...కలియుగంబున నరునకు గంగ దిక్కు" అన్నారు. మన పాపాలన్నీ కడగడానికి ఆ తల్లి ఈ రూపంలో వచ్చింది. ఆ దివ్యనది విష్ణుపదం నుండి వచ్చింది. అలా వస్తూ వ్యోమకేశం అంటే శివుని జటాజూటం నుంచి దుమికి కదిలింది. అలా ఆనది మన కంటికి కనపడనటువంటి ఊర్ధ్వలోకాలనుంచి వచ్చిన నది.

గంగ ఎక్కడైనా పవిత్రమే కానీ కాశీదగ్గర ఉన్న గంగ అత్యంత పవిత్రం. ’విష్ణు విగ్రహ సంభూతా ద్రవరూపా సనాతనీ...అది సాక్షాత్తూ విష్ణు స్వరూపం, నీటి రూపం ధరించిన విష్ణు శక్తి’. గంగాజలంలో ప్రతిబిందువూ గోవిందుడే అని ఒక నానుడి ఉంది. శ్రీరామకృష్ణ పరమహంస "గంగాజలం సాక్షాత్తూ విష్ణువు" అన్నారు. గంగ నీరు కాదు, నిప్పు అన్నారు. పాపాలన్నిటినీ దగ్థం చేసే నిప్పు నీరు రూపంలో ఉన్నది. ’సుఖస్పర్శా స్నానపానే నిర్వాణపదదాయినీ’ - గంగాజల స్నానం చేసినా, గంగాజల పానం చేసినా నిర్వాణ పదం లభిస్తుంది. గంగాతీరంలోనారాయణుణ్ణి తలచుకొని ఆ నీటిని పానం చేస్తే రోగాలన్నీ పోతాయట. అదే "ఔషధం జాహ్నవీ తోయం వైద్యో నారాయణోహరిః" అన్న మాటలోని ఆంతర్యం.


గంగానది గురించి శంకరభగవత్పాదులు....

దేవి సురేశ్వరి భగవతి గంగే త్రిభువన తారిణి తరతరంగే!

శంకరమౌళి నివాసిని విమలే మమ మతిరాస్తాం తవ పదకమలే!!

భాగీరథి సుఖదాయిని మాతస్తవ జలమహిమా నిగమే ఖ్యాతః!

నాహం జానే తవ మహిమానాం త్రాహి కృపామయి మామజ్ఞానమ్!!