వివాహం ఆలస్యం అవటానికి మొదటి కారణం

వివాహం ఆలస్యం అవటానికి మొదటి కారణం కుజ దోషం. జాతకం లో కుజుడు 1, 4, 7, 8 లేదా 12 వ ఇంట్లో
ఉంటే కుజ దోషం ఉన్నట్టు. కుజుడు అడ్డంకులను ఇచ్చే గ్రహం, అది ఒక్క వివాహమే కాదు ప్రతి విషయం
లో కూడా ఎదో ఒక విధంగా అడ్డుపడుతూ ఉంటుంది. పైన చెప్పిన భావాల్లో కుజుడు ఉండటం వలన వివాహం
ఆలస్యమవుతుంది.
కుజుడు శనితో కలిసి ఉన్నా, నీచ స్థానంలో ఉన్న, వక్రించి ఉన్న కూడా వివాహం ఆలస్యం అవటం జరుగుతుంది.
రెండవ కారణం శుక్రుడు. శుక్రుడు వివాహానికి, వైవాహిక జీవితానికి కారకుడు. జాతకం లో శుక్రుడు
అనుకూలంగా లేకుంటే అంటే నీచ స్థానంలో ఉన్నా, కుజుడితో కలిసి ఉన్నా, 6 వ ఇంట్లో ఉన్నా, లేక రాహు
కేతువులతో కలిసి ఉన్న కూడా వివాహం ఆలస్యం అవుతుంది.
మూడవ కారణం సప్తమ స్థానం చెడిపోవటం అంటే సప్తమ స్థానాధిపతి నీచలో ఉండటం లేదా పాప గ్రహాలతో కలిసి
ఉండటం వలన కూడా వివాహం ఆలస్యమవుతుంది.
నాలగవ కారణం అష్టమ స్థానం చెడిపోవటం. అష్టమ స్థానం మాంగల్య స్థానంగా చెప్పా బడ్డది. ఈ భావాధిపతి నీచ
పట్టినా లేక పాప గ్రహాలతో కలిసి ఉన్నా వివాహం ఆలస్యమవుతుంది.
వివాహం అవటానికి ఈ గ్రహాలకు పరిహార క్రియలు అంటే గ్రహ జప హోమాదులు చేపించటం మంచిది. దీని వలన ఆయా
గ్రహదోష ప్రభావం తగ్గిపోయి వివాహానికి సంబంధించి అనుకూల ఫలితాలు ఏర్పడతాయి.